Një milion përdorues të rinj në vetëm një orë, vegla e re e OpenAI fiton vëmendjen e përdoruesve në mbarë botën

23:37 | 1 Prill 2025
E.H

Një vegël e re e gjenerimit të fotografive, i ofruar nga OpenAI, është aq i popullarizuar sa po shkakton probleme me krijimin e llogarive të reja.

OpenAI po rrit me shpejtësi audiencën e saj për ChatGPT, dhe shtimi i veçorisë më të fundit të gjenerimit të fotografive ka rritur më tej popullaritetin e chatbot-it të AI.

Dje, CEO i kompanisë Sam Altman njoftoi se shërbimi kishte shtuar një milion përdorues të rinj në vetëm një orë, duke e quajtur atë kërkesë “biblike” për gjenerimin e imazheve.

Kur kompania njoftoi disponueshmërinë e gjeneratorit të fotografive javën e kaluar, qëllimi ishte ta bënte atë të disponueshëm për përdoruesit e të gjitha niveleve të abonimit ChatGPT.

Megjithatë, interesimi i madh i njerëzve çoi në vonesën e versionit falas. Tani kompania ka raportuar probleme me regjistrimet e reja në shërbim. /Telegrafi/